Մթերքներ ոսկրերի ամրության համար

Doctors.am-ը գրում է.

Ոչ մի այլ մթերք այնքան չի ամրացնում ոսկրերը, որքան կաթնամթերքը` մտածում են շատերը և սխալվում: Մի խումբ իսպանացի գիտնականներ բացահայտել են, որ այս առումով կա շատ ավելի օգտակար մթերք: 

 Ժիրոնա բժշկական կենտրոնի մասնագետները հավաստիացնում են, որ ձիթապտղի ձեթը և ձիթապտուղն ավելի են ամրացնում ոսկրերը, քան կաթը: Նրանք երկու տարի տևողությամբ փորձարկում են կատարել` ընդգրկելով հատուկ սննդակարգի հետևող մարդկանց: 

Փորձարկվողների կեսին առաջարկել են ձիթապտղով ու ձիթապտղի ձեթով հարուստ միջերկրածովյան դիետա, մյուսները պարզապես հետևում էին ցածր կալորիականությամբ դիետայի:

Փորձի ավատից հետո պարզվեց, որ ձիթապտղով սնվողների օրգանիզմում օստեոկալցինի սպիտակուցի (որը հանդիսանում է ոսկրերի աճի գլխավոր խթանիչ) խտությունը մեծացել է: Ոսկրերը դարձել էին ավելի ամուր:  Փորձի մյուս մասնակիցների մոտ ոսկրերի վիճակի հետ կապված որևէ փոփոխություն չէր նկատվել: