Խոհանոցային առասպելներ
14:00 , 14 հոկտեմբեր, 2013
Իմանալ բացարձակ ամեն ինչ ուտելիք պատրաստելու մասին անհնար է, եթե սովորական տնային տնտեսուհի եք, այլ ոչ շեֆ-խոհարար: Բայց կան պարզ բաներ, որոնց մասին մենք, ինչպես պարզվում է, տեղյակ չենք: Ահա խոհանոցային ամենատարածված առասպելների ցուցակը...
Հացը չորանում է, քանի որ կորցնում է խոնավությունը
Ավելի սարսափելի բան չկա, քան գալ տուն և տեսնել, որ երեկ գնված հացով կարելի է մեխ մեխել: Բայց հացը չորանում է ոչ այն պատճառով, որ իր մեջ պարունակվող ջուրը գոլորշիացել է. ընդհակառակը, հացը չորանում է, երբ շատ խոնավ է լինում. դրա մեջ պարունակվող օսլան սկսվում է բյուրեղանալ, ինչը հացն ավելի փխրուն ու չոր է դարձնում: Որոշ մարդիկ հացը սառնարանում են պահում, բայց դա էլ չի կարելի ճիշտ համարել: Ցածր ջերմաստիճանը միայն կարագացնի բյուրեղացման գործընթացը, և հացն ավելի արագ կչորանա:
Խեցգետինները ծվծվում են, երբ իրենց եփում են
Այն ձայնը, որ մենք լսում ենք, երբ խեցգետիններին մտցնում ենք եռման ջրի մեջ, պայմանավորված է պատյանից գոլորշու դուրս մղումով:
Ուտեստի մեջ ավելացված ալկոհոլը լիովին գոլորշանում է պատրաստելու ընթացքում
Ռոմային տորթը, գինով սոուսը, կոնյակով միսը ոչ միայն համեղ են թվում, այլև շատ խորհրդավոր ալկոհոլի պատճառով: Այս ուտեստները շատ անվտանգ են թվում, չէ՞ որ ջերմամշակման ընթացքում ողջ սպիրտը գոլորշանում է: Իրականում ուտելիքի մեջ 85% ալկոհոլը պահպանվում է: Որպեսզի այն ամբողջությամբ «դուրս մղվի» ուտելիքից, այն պետք է պատրաստել երեք ժամից ոչ պակաս:
Միկրոալիքային վառարանը ոչնչացնում է բոլոր սննդարար հատկանիշները
Միկրոալիքային վառարան դնելով բանջարեղենային ռագուն միանգամից հիշում եք, որ մեկ անգամ չէ, որ լսել եք, թե միկրոալիքային վառարանում ուտելիքը կորցնում է բոլոր օգտակար նյութերը: Հիմա ի՞նչ անել. սա՞ռն ուտել, թե՞ սովորական վառարանի վրա տաքացնել: Կարիք չկա: Քանի որ միկրոալիքային վառարանում ուտելիքն ավելի արագ է տաքանում, ուստի օգտակար նյութերն ավելի լավ են պահպանվում:
Եթե պատրաստման ընթացքում սպագետտիի մեջ ավելացնել կարագ, այն չի կպչի
Սպագետտի կարող է անգամ փոքրիկ երեխան պատրաստել: Այն շատ հեշտ է` եռացնել ջուրը, ավելացնել սպագետտի, մի փոքր կարագ կամ ձեթ և վուալյա: Բայ ցավոք կարագն ամեն ինչ փչացնում է: Սպագետտին պետք է մի քիչ կպչուն լինի, որպեսզի դրա հետ մատուցվող սոուսը լիովին ներծծվի: Իտալացի խոհարարները դարեր շարունակ մակարոնի նոր տեսակներ են հորինել ոչ նրա համար, որպեսզի դրանք այլանդակենք կարագով:
Կերակրի սոդայի տուփը սառնարանում կամ սառցարանում ոչնչացնում է հոտերը
Սա սոդայի արտադրողների կողմից հորինված խելացի և հաջող մարկետինգային քայլ է: Իրականում կերակրի սոդան գրեթե չի կլանում հոտերը: Բայց մարդիկ շարունակում են հսկայական գումարներ ծախսել սոդայի գնման և սառնարանում տեղադրման վրա: Ակտիվացված ածխածինն ավելի լավ է ծառայում այդ նպատակին, քան սոդան: Իսկ լավագույն միջոցը սառնարանը հաճախակի մաքրելն ու ուտելիքը հատուկ տարաների մեջ պահելն է:
Ձվածեղ պատրաստելիս կաթի փոխարեն կարելի է օգտագործել ջուր
Մարդիկ պնդում են, որ եթե ձվածեղ պատրաստելիս կաթ օգտագործել, այն կոպիտ կլինի, ուստի պետք է ջուր օգտագործել: Բայց հերիք է թերթել շեֆ-խոհարարների գրքերը, որպեսզի հասկանանք, որ ջրով պատրաստված ձվածեղն ավելի անհամ է ստացվում:
Սուշին հում ձուկն է
Որոշ մարդիկ համարում են, որ սուշին հում ձկան հոմանիշն է: Իրականում այս տերմինը նշանակում է քացախի մեջ թաթախված եփած բրինձ: Ուստի սուշին եփած բրինձն է, որը մատուցվում է այլ բաղադրիչների հետ, որոնց մեջ կարող է և ձուկ չլինել: