Բուֆետներում արգելված սնունդ. Ի՞նչ են վաճառում երեխաներին և ո՞վ է պատասխանատու
10:12 , 12 հոկտեմբեր, 2013Panorama.am-ը գրում է.
Panorama.am-ը ահազանգ է ստացել, որ Երևանի դպրոցներից մեկի բուֆետում երեխաների առողջության համար վնասակար սնունդ են վաճառում:
Այս առնչությամբ քաղաքապետրանից պարզաբանումներ ստանալու համար հարցում էինք ուղարկել: Մեր հարցմանն ի պատասխան` Երևանի քաղաքապետարանի աշխատակազմի առևտրի և սպասարկումների վարչությունից հայտնել են, որ դպրոցական բուֆետներում արգելված է չիպսեր, գազավորված ընպելիքներ ու սովորողների առողջությանը սպառնացող այլ սննդամթերք վաճառել և այդ ուղղությամբ մշտապես իրականացվում է հսկողություն:
-Ո՞վ է պատասխանատու Երևանի դպրոցների բուֆետներում վաճառվող սննդի որակի համար: Ինչպե՞ս և ո՞ւմից են դպրոցի բուֆետում սնունդ վաճառելու թուլտվություն ստանում:
-Երևան քաղաքապետարանի ենթակայության հանրակրթական դպրոցների բուֆետներում կազմակերպվող սննդի որակի համար պատասխանատու են մատակարարները, տվյալ սննդամթերքը արտադրող և ներկրող կազմակերպությունները: Երևանի քաղաքապետարանի ենթակայության հանրակրթական դպրոցներում սովորողների սննդի կազմակերպման համար դպրոցների տնօրենների և մատակարարների միջև կնքվում են դպրոցների տիրապետմանը, տնօրինմանն ու օգտագործմանը հանձնված (ամրացված) ոչ բնակելի տարածքների վարձակալության պայմանագրեր, որոնց համաձայն իրավունք է տրվում մատակարարներին իրականացնել դպրոցական բուֆետներում սննդամթերք իրացնելու գործընթացը:
- Կա՞ վերահսկման մեխանիզմ: Եթե այո, ինչպե՞ս է այն աշխատում:
-Երևանի քաղաքապետարանի ենթակայության դպրոցներում սննդի կազմակերպման աշխատանքների նկատմամբ հսկողությունը իրականացվում է Երևանի քաղաքապետարանի աշխատակազմի առևտրի և սպասարկումների վարչության, վերահսկողության վարչության, հանրակրթության վարչության, սննդի անվտանգության պետական ծառայության, այլ համապատասխան պետական մարմինների, ինչպես նաև դպրոցների տնօրենների կողմից յուրաքանչյուրը օրենքով և այլ իրավական ակտերով իրենց տրված լիազորությունների շրջանակներում:
2010թ. սկսած բոլոր տարիների ընթացքում պարբերաբար ուսումնասիրություններ են կատարվել Երևանի քաղաքապետարանի ենթակայության դպրոցների բուֆետներում աշակերտներին անհրաժեշտ սննդով ապահովման, ժամկետանց ապրանքների վաճառքի բացառման և «Առևտրի և ծառայությունների մասին» ՀՀ օրենքով հանրային սննդի վերաբերյալ սահմանված պահանջների կատարման նկատմամբ։ Իրականացված միջոցառումների և հետևողական աշխատանքների արդյունքում դպրոցական բուֆետներում զգալի չափով բարելավվել է սննդի որակը, ինչպես նաև շատ դպրոցական բուֆետներում կատարվել են վերանորոգման աշխատանքներ, տեղադրվել են նոր սառնարաններ, փոխվել են ջրագծերը։ Գրեթե բոլոր դպրոցական բուֆետները ապահովվել են տաք ջրով, նոր գույքով և այլ պարագաներով:
Ամբողջական հոդվածը կարող եք կարդալ այստեղ