Նախաճաշը փրկում է ինֆարկտից

1in.am-ը գրում է.

Հարվարդի գիտնականները, որոնք 16 տարի շարունակ հետևել են 45-82 տարեկան 26 902 տղամարդկանց առողջությանը, հայտնաբերել են ինֆարկտի և սրտի ու անոթների հետ կապված այլ խնդիրների առաջացման անսպասելի պատճառ: Պարզվել է, որ սրտանոթային հիվանդություններով տառապելու ռիսկը մեկ քառորդով մեծանում է նրանց դեպքում, ովքեր պարբերաբար բաց են թողնում նախաճաշը: 

Գիտնակաների կարծիքով՝ առավոտից քաղցի երկարատև շրջանը խախտում է հորմոնալ ֆոնը և շաքարի մակարդակն արյան մեջ, ինչի հետևանքով բարձրանում է ճնշումը և ավելորդ քաշ է առաջանում:

Կարծիք կա, որ նախաճաշի բացակայությունն ամուրի կյանքի և սեփական առողջության նկատմամաբ անուշադրության հետևանք է: Հետազոտությունների համաձայն՝ նախաճաշը բաց են թողնում չամուսնացած տղամարդիկ, ծխողները և ալկոհոլի սիրահարները, գրում է kedem.ru-ն: