«Սուրբ Գրիգոր Լուսավորիչ» ԲԿ-ն պարզաբանել է 1 տարեկան երեխայի կյանքից հեռանալը
15:34 , 13 հուլիս, 2026Հուլիս 13-ին «Սուրբ Գրիգոր Լուսավորիչ» բժշկական կենտրոն է տեղափոխվել մեկ տարեկան երեխա՝ բազմակի վնասվածքներով և սրտի կանգով: Այս մասին գրում է «Սուրբ Գրիգոր Լուսավորիչ» բժշկական կենտրոնը։
«Բժշկական կենտրոնի վերակենդանացման թիմի և համապատասխան մասնագետների կողմից անմիջապես իրականացվել են անհրաժեշտ բոլոր համալիր վերակենդանացման միջոցառումները։
Ցավոք, վնասվածքների ծանրության պատճառով երեխայի սրտի գործունեությունը վերականգնել չի հաջողվել, և արձանագրվել է կենսաբանական մահ։
«Սուրբ Գրիգոր Լուսավորիչ» բժշկական կենտրոնի ողջ անձնակազմը խորին ցավակցություն է հայտնում երեխայի հարազատներին և կիսում կորստի ծանր վիշտը»:
Ավելի վաղ հայտնել էինք, որ «Սուրբ Գրիգոր Լուսավորիչ» հիվանդանոցում 1 տարեկան երեխա է մահացել։