Եթե Ալենը ճիշտ է, ապա մենք, որպես հասարակություն, արժան չենք այն հողին, որի վրա կանգնած ենք ու որից սնվում ենք

13:39 , 6 հուլիս, 2026
Սահմանադրության օրվան նվիրված  իր ուղերձում Հակոբյան Աննայի զոհը դարձած (ըստ որոշ տեղեկությունների) Սիմոնյան Ալենը պնդել է, թե հունիսի 7-ի ընտրություններում ժողովուրդն իր ձայնը տվել է իշխանություններին՝  ևս մեկ անգամ ապացուցելով ինքնիշխան, ազատ ու ժողովրդավարական պետություն ունենալու իր հստակ կամքը, ՔՊ-ին օժտելով այդ հանձնառությունն իրագործելու մանդատով:
 
Ալենն էլ, մյուսներն էլ գիտեն, որ ժողովրդի մեծամասնությունն այսօր դեմ է ՔՊ-ին՝ անկախ նկարված տոկոսներից: Մինչդեռ Ալենին լսողը կկարծի, թե հայ հասարակությունը «խոտակեր» ինչ-որ զանգված է, որ վերջին տարիներին սեփական գլխին եկածից հետևություններ չի արել, ավելին՝ ճիշտ են այն ադրբեջանիցները, որոնք պնդում են, թե իրենց հաջողվել է հայ հասարկության մեծամասնությանը դաստիարակել: Բայց մի՞թե իրականությունը դա է: Եթե դա է, ապա մենք, որպես հասարակություն, արժան չենք այն հողին, որի վրա կանգնած ենք ու որից սնվում ենք, իսկ եթե Ալենը, այնուամենայնիվ, լկտիաբար նենգափոխում է, ապա պետք է լինեն հետևանքներ:
 
Իշխանությունները վախենում են իրենց լեգիտիմության պակասից՝ շատ լավ հասկանալով, որ այդ բացը չի լրացվելու անգամ ընդդիմության վերջին որոշմամբ՝ մանդատները վերցնելու ու կամա-ակամա ՍԴ որոշումը լեգիտիմացնելու: