Ով է Սարգիս Տեր-Եսայանը, ով այսօր ծեծի է ենթարկվել քաղաքապետարանում
17:35 , 23 հունիս, 2026ArmLur.am-ի տեսախցիկը ֆիքսել է, որ այսօր Երևանի քաղաքապետարանում տեղի ունեցած միջադեպի ընթացքում ծեծի է ենթարկվել նաև Երևանի ավագանու «Մայր Հայաստան» խմբակցության անդամ Սարգիս Տեր-Եսայանը։
Ո՞վ է Սարգիս Տեր-Եսայանը
Սարգիս Տեր-Եսայանը 2026 թվականի մարտից Երևանի ավագանու անդամ է։ Նրա մանդատը տրամադրվել է «Մայր Հայաստան» դաշինքի ընտրական ցուցակի հերթական հաջորդ թեկնածու լինելու հիմքով՝ նախկին ավագանու անդամ Սամվել Հակոբյանի լիազորությունների դադարեցումից հետո։
Տեր-Եսայանը քաղաքական և հասարակական գործունեությամբ զբաղվող գործիչ է։ Նա հայտնի է որպես «Իրավունքի և արժեքների գերակայություն» հասարակական կազմակերպության նախագահ։ Վերջին տարիներին նա ակտիվորեն հանդես է եկել Երևանի կառավարման, տրանսպորտի, քաղաքաշինության, բնապահպանական և սոցիալական խնդիրների վերաբերյալ հրապարակային հայտարարություններով ու քննադատություններով։
Հիշեցնենք, որ այսօր Երևանի քաղաքապետարանում տեղի ունեցած միջադեպի ընթացքում Սարգիս Տեր-Եսայանը հայտնվել էր բախման կենտրոնում և ստացել հարվածներ։