Թրամփը հնարավոր է համարել առաջիկա երկու շաբաթվա ընթացքում ԱՄՆ-ի և Իրանի միջև գործարքի կնքումը

ԱՄՆ նախագահ Դոնալդ Թրամփը հնարավոր է համարել, որ Վաշինգտոնն ու Թեհրանը գործարք կկնքեն առաջիկա երկու շաբաթվա ընթացքում։

«Մենք հիմա բանակցություններ ենք վարում, և նրանք ցանկանում են շատ լավ գործարք կնքել, նրանք պատրաստ են մեզ ամեն ինչ տալ։ Նրանք պատրաստ են գնալ միջուկային զենքից հրաժարվելուն»,- հայտարարել է ամերիկյան առաջնորդը հեռուստակոնֆերանսի ժամանակ, որն անցկացվում էր ի պաշտպանություն Հարավային Կարոլինա նահանգից հանրապետական սենատոր Լինդսի Գրեմի։

«Ես կարծում եմ՝ մենք հաղթում ենք, բայց հաղթել պետք է առաջիկա երկու շաբաթվա ընթացքում: Դա կլինի լիակատար հաղթանակ, այն տեղի կունենա շատ շուտով, և նավթի գներն անմիջապես կընկնեն»,- շարունակել է Թրամփը։ 

Ավելի վաղ Թրամփը բազմիցս շարադրել էր այն դիրքորոշումը, համաձայն որի՝ ԱՄՆ-ն ու Իրանը մոտ են հակամարտության կարգավորման շուրջ համաձայնությունների կնքմանը։