ԱՄՆ Սենատը կողմ է քվեարկել Դոնալդ Թրամփի ռազմական լիազորությունների սահմանափակմանը

Նախնական քվեարկության ժամանակ «կողմ» է քվեարկել 50 սենատոր (հիմնականում՝ դեմոկրատներ և 4 հանրապետական), դեմ՝ 47-ը (հիմնականում՝ հանրապետականներ և 1 դեմոկրատ): Հանրապետական կուսակցությունից երեք սենատոր չի մասնակցել քվեարկությանը:

Նախաձեռնության հեղինակները պնդում են, որ ԱՄՆ Սահմանադրության համաձայն՝ ամերիկյան զորքերը պատերազմ ուղարկելու իրավունքը պատկանում է Կոնգրեսին, այլ ոչ նախագահին: Եթե փաստաթուղթն ընդունվի հիմնական քվեարկությամբ, Իրանի դեմ պատերազմը շարունակելու համար Թրամփից կպահանջվի Կոնգրեսի թույլտվությունը: