Նիկոլի համար ամենամեծ աղետը

16:14 , 20 ապրիլ, 2026
Ասուլիսին Նիկոլը հայտարարել է, թե ընդդիմությունը խոսում է պատերազմով Արցախը հետ բերելու մասին՝ հարց բարձրացնելով՝ պատկերացնո՞ւմ եք՝ դա աղետի ինչ պոտենցիալ է Հայաստանի համար:

Նախ ոչ մի ընդդիմադիր ուժ բաց տեքստով երբեք չի հայտարարում, որ իշխանության գալու դեպքում Արցախը պատերազմով հետ են բերելու. ընդամենը խոսվում է այնպիսի խաղաղություն հաստատելու մասին, որի պայմաններում գոնե որոշակիորեն հաշվի կառնվեն ՀՀ շահերը, որն անվերապահ կապիտուլյացիայի չի նմանվի: Բայց մյուս կողմից՝ եթե նույնիսկ իշխանափոխության դեպքում հնարավորություն ծագի՝ Արցախը հետ բերելու, թուրքի գլուխը ջախջախելու, ապա ինչո՞ւ չպետք է Հայաստանը դա անի, չանելը հանցագործություն կլինի, իսկ թե ինչպես է դա արվում, 90-ականներին արդեն տեսել ենք:

Նիկոլի տեսանկյունից հանցագործությունն ադրբեջանական կզարանում համապատասխան դիրք ընդունելուց հրաժարվելն է, Ադրբեջանի տարածքային ամբողջականությունը կասկածի տակ դնելն ու հայ մնալն է, քանի որ Ադրբեջանի տարածքային ամբողջականության անձեռնմխելիությունից է կախ տրված նրա իշխանությունը: Նիկոլը շատ լավ գիտի, որ իշխանության փոփոխության դեպքում լրիվ այլ իրականություն է ստեղծվելու տարածաշրջանում, ուստի փորձում է հանրության աչքը վախեցնել պատերազմով, որ ընդդիմությունը չանցնի:

Նիկոլի ամենամեծ վախը, սակայն, դատարանի առաջ որպես մեղադրյալ կանգնելն է, ինչն անխուսափելի է լինելու, եթե ժողովուրդը մի փոքր սթափություն դրսևորի: