Կատուները սթրես են ապրում, երբ նրանց շոյում են. գիտնականներ

1in.am-ը գրում է.

Կատուները ոչ միայն չեն սիրում, երբ իրենց շոյում են, այլև այդ ժամանակ սթրես են ապրում: Գիտնականների այս եզրահանգումը հրապարակվել է ամերիկյան Physiology anf Behavior ամսագրում:

Ինչպես պարզել են Բրազիլիայի, Ավստրիայի և Բրիտանիայի գիտնականները, նման դեպքերում կատուների օրգանիզմում արտադրվում է սթրեսի հորմոն՝ կորտիզոլ:

«Մենք հանգել ենք այն եզրակացության, որ ավելի մեծ սթրես են ապրում այն կատուները, որոնց թեև դուր չի գալիս, բայց, այնուամենայնիվ, թույլ են տալիս շոյել իրենց»,- ասել է հետազոտության հեղինակներից Դենիել Միլսը: