Հարցումը ցույց է տվել, թե ռուսների քանի տոկոսն է վստահում Պուտինին

168.am-ը գրում է․

Ռուսաստանի նախագահ Վլադիմիր Պուտինին վստահում է ռուսների մեծամասնությունը՝ 75%-ը, իսկ հարցվածների 70.1%-ը հավանություն է տալիս նրա գործունեությանը որպես պետության ղեկավար: Այս մասին վկայում են Ռուսաստանի Պետական վերլուծական կենտրոնի կողմից անցկացված հարցման արդյունքները։

Հարցվածների մեծամասնությունը (75%) նշել է, որ վստահում է Պուտինին, մինչդեռ 20.1%-ը անվստահություն է հայտնել պետության ղեկավարին։ Ավելին, Ռուսաստանի քաղաքացիների 70.1%-ը հավանություն է տալիս նրա գործունեությանը որպես նախագահ, մինչդեռ 18.3%-ը հավանություն չի տալիս:

Հարցվածների 42.6%-ը դրական է գնահատել Ռուսաստանի կառավարության գործունեությանը, մինչդեռ 26.3%-ը՝ ոչ։