Առատ ձյան հետևանքով Սյունիքի մարզի Տանձավետ-Աղվանի մի քանի կիլոմետրանոց ճանապարհին տիրում է բարձիթողի վիճակ. 1.5 ժամ է՝ վարորդները չեն կարողանում շարժվել

10:13 , 27 մարտ, 2026
Այսօր՝ մարտի 27-ին տեղացած առատ ձյան հետևանքով Սյունիքի մարզի որոշ ճանապարհներ ճանշինի ոչ օպերատիվ աշխատանքի պատճառով դարձել են կամ անանցանելի, կամ դժվարանցանելի։

Ինչպես հայտնում է ֆոտոլրագրող Գագիկ Շամշյանը, Տանձավետ-Աղվանի ավտոճանապարհի մի քանի կիլոմետրանոց հատվածն ամբողջությամբ մերկասառույց է, ինչի պատճառով ավտոմեքենաները չեն կարողանում տեղաշարժվել և ստեղծվել է խցանում։

SHAMSHYAN.com ահազանգած վարորդներն իրենց զայրույթն էին ուղղում՝ ասելով, որ 1.5 ժամից ավելի է կանգնած են և ճանշինի կողմից ոչ մի տեխնիկա չկա, որ ձյունը մաքրեն, ապա կատարեն աղ ու ավազի խառնուրդով ճանապարհի մշակում։