«Մոխրագույնի 50 երանգները» ֆիլմում հանդես կգա դերասանուհի Ջենիֆեր Իլին

1in.am-ը գրում է.

Ամերիկացի դերասանուհի Ջենիֆեր Իլին Է. Լ. Ջեյմսի «Մոխրագույնի 50 երանգները» էրոտիկ վեպի էկրանավորման մեջ կմարմնավորի գլխավոր հերոսուհու մորը՝ Կառլային, հայտնում է The Hollywood Reporter-ը: 

Կառլան այն ուսանողուհու մայրն է, որը սիրահարվում է 27-ամյա միլիարդատեր Քրիստիան Գրեյին: 

Ջենիֆեր Իլին հայտնի է դարձել Ջեյն Օսթինի «Հպարտություն ու նախապաշարմունք» վեպի հիման վրա 1995 թ. նկարահանված բրիտանական հեռուստաֆիլմում իր դերով, որի համար նա BAFTA մրցանակ է ստացել:

Իլին նկարահանվել է նաև «Թագավորը խոսում է», «Ուայլդ», «Մարտյան խաղեր» ֆիլմերում: 

Ֆիլմը, որի ռեժիսորը Սեմ Թեյլոր Ջոնսոնն է, մեծ էկրաններին կցուցադրվի 2014 թ. օգոստոսի 1-ին: 

Բեսթսելլեր դարձած վեպը պատմում է միլիարդատիրոջ ու 22-ամյա ուսանողուհու՝ Անասթեյշա Սթիլի ոչ հեշտ հարաբերությունների մասին: