Գրոսմայստեր Հայկ Մարտիրոսյանը հերթական հաղթանակը տարավ շախմատի միջազգային մրցաշարում

Հայ գրոսմայստեր Հայկ Մարտիրոսյանը միանձնյա առաջատար է Ուզբեկստանի մայրաքաղաք Տաշքենդում ընթացող «19th Agzamov Memorial» շախմատի միջազգային մրցաշարի նախավերջին խաղափուլից առաջ, հայտնում են Հայաստանի շախմատի ֆեդերացիայից։

8-րդ խաղափուլում Հայկ Մարտիրոսյանը հաղթել է ուզբեկ գրոսմայստեր Աբդիմալիկ Աբդիսալիմովին։

Մարտիրոսյանից կես միավորով հետ են մնում ՖԻԴԵ-ն ներկայացնող գրոսմայստերներ Արտյոմ Ուսկովը և Նիկիտա Աֆանասևը, ինչպես նաև Ուզբեկստանը ներկայացնող միջազգային վարպետներ Մուհամմադզոխիդ Սույարովը և Բախրոմ Բախրիլլաևը:

9-րդ խաղափուլը կմեկնարկի վաղը: