Պանամայում առգրավվել է ավելի քան կես տոննա կոկաին

1in.am-ը գրում է.

Պանամայի ազգային ծովային ծառայության ստորաբաժանումները առգրավել են 525 կգ կոկաին ու ձերբակալել 4 կոլումբացու՝ հաղորդում է RIA Novosti-ն՝ հղում կատարելով երկրի հասարակական անվտանգության նախարարությանը: 

Օպերացիան տեղի է ունեցել Պանամայի կարիբյան ափերին: 38 պարկերում թաքնված թմրանյութը, որը տեղափոխվել է ոչ մեծ նավակով, իշխանության ներկայացուցիչների կողմից առգրավվել է: 

Նախարարությունն ընդգծում է, որ թմրավաճառների դեմ հաջող գործողությունները դարձել են «Սուրբ Ֆաուստինա» անվանումով օպերացիայի մաս: Տարեսկզբից սկսած՝ Պանամայի ծովային ծառայությունները արդեն առգրավել են ավելի քան 18 տոննա թմրանյութ: