Ռուսաստանը 2013թ բյուջեից 22.5 մլրդ ռուբլի է տրամադրել Թուրքիայում ԱԷԿ շինարարության համար

Lragir.am-ը գրում է.

Ռուսաստանը 2013 թվականի բյուջեից 22.5 միլիարդ ռուբլի է հատկացնելու Թուրքիայում Ակկույա ատոմակայանի շինարարության համար, տեղեկացնում է ԻՏԱՌ-ՏԱՍՍ-ը՝ հղում անելով ֆինանսների նախարար Անտոն Սիլուանովին:

Տեղեկացնենք, որ Վլադիմիր Պուտինը թուրքական ԱԷԿ շինարարությունն ամբողջովին ֆինանսավորելու մասին հայտարարել էր 2012 թվականի դեկտեմբերին: Ողջ նախագիծը գնահատվում է 20 միլիարդ դոլար: 

Թուրքիայի առաջին ատոմակայանի շինարարությունը Ռոսատոմը սկսելու է 2016 թվականին, իսկ էներգիա կմատակարարի 2020 թվականին: Շահագործման ժամկետը 60 տարի է լինելու: