Հայտնի են FIFA The Best 2025-ի հավակնորդները

Երեքշաբթի՝ դեկտեմբերի 16-ին, Դոհայում կկայանա The Best FIFA Football Awards 2025 մրցանակաբաշխությունը։ ՖԻՖԱ-ն հրապարակել է տարվա լավագույնի կոչմանը հավակնող 11 ֆուտբոլիստների անունները։

Հավակնորդների ամբողջական ցանկն այսպիսի տեսք ունի․

• Քոուլ Պալմեր («Չելսի»)
• Պեդրի («Բարսելոնա»)
• Ուսման Դեմբելե (ՊՍԺ)
• Վիտինյա (ՊՍԺ)
• Լամին Յամալ («Բարսելոնա»)
• Հարի Քեյն («Բավարիա»)
• Նունո Մենդեշ (ՊՍԺ)
• Աշրաֆ Հակիմի (ՊՍԺ)
• Մոհամեդ Սալահ («Լիվերպուլ»)
• Կիլիան Մբապե («Ռեալ» Մադրիդ)
• Ռաֆինյա («Բարսելոնա»)

Հիշեցնենք, որ ավելի վաղ ՊՍԺ-ի հարձակվող Ուսման Դեմբելեն դարձել էր 2025 թվականի «Ոսկե գնդակի» դափնեկիր։

Ավարտված մրցաշրջանում ֆրանսիացին նվաճել է Լիգա 1-ի չեմպիոնի տիտղոսը, Ֆրանսիայի Գավաթն ու Սուպերգավաթը, ինչպես նաև հաղթել Չեմպիոնների լիգայում։

Բացի այդ, փարիզյան ակումբի կազմում նա հասել է մինչև Աշխարհի ակումբային առաջնության եզրափակիչ։