Ջոնսոնը կոչ է արել զորքեր ուղարկել Ուկրաինա
11:12 , 11 հոկտեմբեր, 2025168.am-ը գրում է․
Մեծ Բրիտանիայի նախկին վարչապետ Բորիս Ջոնսոնը պնդում է, որ Ուկրաինայի մեծ մասն անվտանգ է, ուստի կոչ է անում անհապաղ այնտեղ տեղակայել արևմտյան զորքեր՝ չնայած Ռուսաստանի նախազգուշացումներին։ Այս մասին գրում է РИА Новости-ն:
«Ինչ վերաբերում է Ուկրաինայում արևմտյան զորքերի կամավոր կոալիցիային, եկեք սկսենք զբաղվել այս հարցով հիմա։ Ոչ մի դեպքում այս զորքերը չեն տեղակայվի մարտական գործողությունների համար։ Նրանց դերը ռազմաճակատից դուրս աջակցություն ցուցաբերելն է. նրանք պետք է զբաղվեն լոգիստիկայով և վարժանքներով։ Քանի որ Ուկրաինայի մեծ մասն անվտանգ է, չկա որևէ պատճառ, որ նրանք չկարողանան հիմա գնալ»,- գրել է Ջոնսոնը Daily Mail-ի համար հոդվածում։