Հզոր ցիկլոնն իր հետ կբերի տեղումներ և օդի ջերմաստիճանի նվազում

Emedia.am-ը գրում է.

Սև ծովի տարածքից մեզ է մոտենում հզոր ցիկլոն: Արդեն այս գիշեր հանրապետության հյուսիսային կեսում կդիտվի ամպոտ եղանակ, հոկտեմբերի 3-ին պարբերաբար հնարավոր են կարճատև անձրևներ, տեղումների հավանականությունը մեծ է օրվա 2-րդ կեսին, առայժմ առատ տեղումներ չեն սպասվում:

Կդիտվի արևային եղանակ: Առանձին վայրերում հնարավոր է քամի 18-20մ/վրկ:
Իսկ Սյունիքում և Արցախում հոկտեմբերի 3-ին ողջ օրվա ընթացում առայժմ կպահպանվի արևային, առանց տեղումների եղանակը:

Օդի ջերմաստիճանը կեսօրից հետո կսկսի նվազել, առայժմ աննկատ, սակայն առաջիկա օրերին ողջ տարածքում կդիտվի օդի ջերմաստիճանի կտրուկ նվազում և տեղումներ, լեռներում հնարավոր է նաև ձյան տեսքով:

Երևանում հոկտեմբերի 3-ին կդիտվի փոփոխական ամպամածությամբ եղանակ, տեղ-տեղ հնարավոր են կարճատև անձրևներ: Երեկոյան հնարավոր է քամի 7-10մ/վրկ: Գիշերը +11+13, ցերեկը +24+26, երեկոյան +18+20: