Գերմանիան Լեհաստան ռուսական ԱԹՍ-ների ներխուժումից հետո կուժեղացնի ՆԱՏՕ-ի արևելյան սահմանի պաշտպանությունը
00:48 , 12 սեպտեմբեր, 2025Գերմանիան կուժեղացնի ՆԱՏՕ-ի արևելյան սահմանի պաշտպանության իր հանձնառությունը՝ ի պատասխան Լեհաստան ռուսական անօդաչու թռչող սարքերի ներխուժման, ըստ Reuters-ի՝ հինգշաբթի հայտարարել է կառավարության ներկայացուցիչը։
«Բալթյան երկրներում և Լեհաստանում առկա պարտավորություններից զատ, կառավարությունը կուժեղացնի Լեհաստանի օդային պաշտպանությունը»,- ընդգծել է կառավարության ներկայացուցիչը։
Նա հավելել է, որ Բեռլինը միաժամանակ կուժեղացնի աջակցությունը Ուկրաինային և կաշխատի ԵՄ շրջանակում՝ Ռուսաստանի դեմ պատժամիջոցների 19-րդ փուլը արագ ընդունելու համար։