Հութիներն անօդաչու թռչող սարքերով հարվածել են Իսրայելի երկու օդանավակայաններին

Եմենի «Անսար Ալլահ» զինյալ շարժման հութիներն անօդաչու թռչող սարքերով հարվածներ են հասցրել Իսրայելում գտնվող թիրախներին, այդ թվում՝ Թել Ավիվի Բեն Գուրիոն օդանավակայանին և Էյլաթի մոտ գտնվող Ռամոն օդանավակայանին: 

«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, այս մասին հայտարարել է շարժման ռազմական խոսնակ Յահյա Սարիան՝ հավելելով, որ զինյալներն արդեն երկրորդ օրն է, որ անօդաչու թռչող սարքերով ռազմական գործողություններ են իրականացնում Իսրայելի դեմ։