Հայաստանի հետ հարաբերությունների կարգավորման գործընթացն առաջ մղելու համար բանակցությունները կշարունակվեն. Էրդողան
21:23 , 11 օգոստոս, 2025Tert.am-ը գրում է․
Թուրքիայի նախագահ Էրդողանի և Հայաստանի վարչապետ Նիկոլ Փաշինյանի միջև հեռախոսազրույց է տեղի ունեցել, հայտնել են Թուրքիայի նախագահի մամուլի ծառայությունից։
«Հայկական կողմի խնդրանքով տեղի ունեցած հեռախոսազրույցի ընթացքում քննարկվել են Հայաստանի և Ադրբեջանի միջև խաղաղության բանակցությունները։ Էրդողանը շնորհավորել է վարչապետ Փաշինյանին՝ Հայաստանի և Ադրբեջանի միջև համաձայնության հասնելու կապակցությամբ։
«Նշելով, որ խաղաղության իր կամքը արժեքավոր է տարածաշրջանում խաղաղության համար, Էրդողանը շեշտել է, որ այդ քայլը պետք է վերածվի կոնկրետ գործողությունների։
Հայտարարելով, որ Թուրքիայի և Հայաստանի միջև հարաբերությունների կարգավորման գործընթացը առաջ մղելու համար բանակցությունները տեխնիկական մակարդակով կշարունակվեն, Էրդողանը հավելել է, որ այդ ուղղությամբ ջանքերը կշարունակվեն»,- նշել են Թուրքիայի նախագահի գրասենյակից։