«Մեր հարաբերություններն իդեալական են, մենք շփվում ենք մեկս մյուսի երեխաների հետ». Մարիամ Շահինյան

«Կարող եմ ասել, որ իդեալական  հարաբերություններ են, երբեմն զարմանում ենք, որ ամեն հարցի շուրջ կարծես իրար նման ենք մտածում և նույն ուղղությամբ ենք նայում: Սա ամենակարևոր բանն է, որ կարող եմ ասել:

Իմ երեխաները շատ առողջ են մտածելակերպի առումով և ոչ մի խնդիր չկա, իրենց համար կարևոր է, որ և՛ իրենց հայրը, և՛ մայրը լինեն երջանիկ ու խաղաղ մթնոլորտում անցնեն իրենց օրերը: Նույնն էլ Սերգեյի երեխաների մասով կարող եմ ասել: Նրանց հետ շփում ունենք», Asekose am-ի եթերում՝ խոսելով իր և հաղորդավար Սերգեյ Սարգսյանի հարաբերությունների մասին, անկեղծացել է դերասանուհի Մարիամ Շահինյանը:

Խոսելով ամուսնալուծության մասին՝ դերասանուհին նշել է, որ ինքը բնույթով թեթև մարդ է և չի սիրում ոչինչ ծանրացնել.

«Առհասարակ նեգատիվը փորձում եմ մինիմալի հասցնել ամեն տեղ: Այս հարցում ևս: Հարթ ու հանգիստ է անցել այդ փուլը»: