Իսակովի պողոտայում բախվել են «BMW»-ն և «Toyota»-ն. վերջինը մասամբ հայտնվել է բաժանարար գոտու բետոնե արգելապատնեշի վրա

Shamshyan.com-ը գրում է․

Այսօր՝ հուլիսի 21-ին, ավտովթար է տեղի ունեցել Երևանում: Ժամը 00:30-ի սահմաններում Իսակովի պողոտայում ՀՀ ՆԳՆ ոստիկանության զորքերի հարևանությամբ բախվել են Երևանի բնակիչ 22-ամյա Էռնեստ Խ.-ի վարած «BMW» և Արմավիրի մարզի բնակիչ 37-ամյա Խաչատուր Զ.-ի վարած «Toyota» մակնիշի ավտոմեքենաները: 
 
Ինչպես հայտնում է Shamshyan.com-ը, վթարի հետևանքով, ըստ նախնական տեղեկությունների, տուժածներ չկան:  Վարորդները ենթարկվել են սթափության փորձաքննության, եղել են սթափ: 
 
Պարեկային ծառայությունը ունի օպերատիվ տեղեկություններ, որ վթարի պատճառը եղել է մեկ այլ ավտոմեքենայի վարորդի կողմից «BMW»-ի վարորդի համար վթարային իրավիճակ ստեղծելը, ով այնուհետև դեպքի վայրից հեռացել է: