Անժելա Սարաֆյանը «Սուպերմեն» ֆիլմում կմնարմնավորի մոր կերպարը

Հայ-ամերիկյան դերասանուհի Անժելա Սարաֆյանը կմարմնավորի Սուպերմենի կենսաբանական մորը՝ Լարա Լոր-Վանին, Ջեյմս Գանի երկար սպասված «Սուպերմեն» ֆիլմում, որի պրեմիերան նախատեսված է 2025 թվականի հուլիսի 11-ին։ Նա կնկարահանվի Բրեդլի Քուփերի հետ միասին, ով մարմնավորում է Ջոր-Էլին՝ Սուպերմենի կենսաբանական հորը։ 

Սարաֆյանը ստանձնում է Լարայի դերը Կրիպտոնի վերջին պահերին, երբ նա և Ջոր-Էլը կայացնում են ճակատագրական որոշում՝ իրենց նորածին որդուն ուղարկել Երկիր՝ ընտրություն, որը սահմանում է Սուպերմենի կյանքի հետագիծը։

Հայտնի լինելով HBO-ի «Westworld» սերիալում Քլեմենտին Փենիֆիզերի իր ակնառու դերակատարմամբ՝ Սարաֆյանը հուզական խորություն և լարվածություն է հաղորդում այն կերպարին, որի կարճատև ներկայությունը կարևոր դեր է խաղում Սուպերմենի բարոյական հիմքերի ձևավորման գործում։ Ֆիլմում Սուպերմենը փորձում է համատեղել իր այլմոլորակային ծագումն ու իրեն որդեգրած ընտանիքի հետ ունեցած կապը։

Ֆիլմի սցենարի հեղինակը և ռեժիսորը Ջեյմս Գաննն է՝ DC Studios-ի համանախագահը և գործադիր տնօրենը։ Դերասանական կազմում են նաև Նիկոլաս Հոլթը որպես Լեքս Լութոր, Էդի Գաթեգին, Էնթոնի Քերիգանը, Նեյթան Ֆիլիոնը և Իզաբելա Մերսեդը։