Փարիզի Սուրբ Հովհաննես Մկրտիչ եկեղեցում Հայոց ցեղասպանության նահատակների հիշատակի օրվա առիթով մատուցվել է պատարագ

Փարիզի առաջնորդանիստ Սուրբ Հովհաննես Մկրտիչ եկեղեցում Հայոց ցեղասպանության նահատակների հիշատակի օրվա առիթով մատուցվել է Սուրբ պատարագ։

Ինչպես տեղեկանում ենք Ֆրանսիայում ՀՀ դեսպանության տարածած հաղորդագրությունից, դեսպան Արման Խաչատրյանը և դեսպանության անձնակազմը մասնակցել են Հայ Առաքելական Եկեղեցու Ֆրանսիայի թեմի առաջնորդ Գերաշնորհ տեր Գրիգոր Եպիսկոպոս Խաչատրյանի նախագահությամբ մատուցված Սուրբ պատարագին: