Թևանյան Անդոն Գյումրիի ընտրություններից ճիշտ հետևություններ դեռևս չի արել

15:48 , 1 ապրիլ, 2025
Կրկնելով յուր «սառատնիկ» Մուրազի Բորիկի թեզերը՝ Թևանյան Անդոն, անդրադառնալով Գյումրիի ընտրությունների արդյունքներին, գրել է.«…Պայթեց այն թեզը, որ ընտրություններով հնարավոր չէ Նիկոլին հաղթել, և որ Նիկոլով ընտրությունների գնալը սխալ է: Դա զուտ «մուտիլովկա» է՝ շատ կոնկրետ «ընդդիմադիր» կենտրոնից ուղղորդվող: Այդ թեզի քարոզիչները Նիկոլի հետ գնացել ու գնալու են ընտրությունների (ընտրությունների գաղափարի դեմ քարոզողները Գյումրիում մասնակցում էին երկու թեկնածուով)…»:

Անդոն, որի կողմից առաջ մղվող թեկնածուի հավաքած տոկոսները բնավ տպավորիչ չեն, թիրախավորել է նրանց, որոնց փնովելու միջոցով տևական ժամանակ է՝ լուրջ փողեր է բռնում. ՀՀԿ-ին է ակնարկել:

Մինչդեռ Գյումրիի ընտրությունները ցույց տվեցին, որ նախ՝ Նիկոլն ընդունակ է ամեն ինչի՝ սեփական իշխանությունը վերարտադրելու, ապա՝ ՔՊ-ն բոլոր դեպքերում կարողանում է տարբեր գործիքակազմերի միջոցով առնվազը կրկնապատկել սեփական քվեների քանակը, որի շնորհիվ Սարիկը Գյումրիում բավական լուրջ թվով ձայներ է հավաքել: Մյուս կողմից՝ փաստվեց, որ անկախ նրանից թե Նիկոլի հետ ես գնում ընտրությունների, թե՝ առանց նրա, ոչ մի ընդդիմադիր ուժ միայնակ չի կարող գործնական հետևանք ունեցող արդյունք գրանցել, ուստի էական է դառնում համախմբված կերպով գործելը, ինչին, սակայն, խանգարում է Անդոյի՝ ցանկացած գնով հարստանալու մոլուցքը, երբ հանուն երկու կոպեկի չի դադարում «թելել Նիկոլի թելը»՝ պառակտելով ընդդիմադիր դաշտը:

Թևանյան Անդոն, իհարկե, խոշոր հաշվով սուբյեկտ չէ, այլ հանդիսանում է ընդդիմության շատ կոնկրետ թևը ներկայացնող ուժերի խամաճիկը, ուստի տվյալ դեպքում էական է դառնում ոչ թե այն, թե արդյոք կգիտակցի Անդոն այսքանը, այլ՝ այն, թե կգիտակցեն, արդյոք, այս իրականությունն Անդոյին փողի դիմաց մատների վրա խաղացող «կուկլավոդները», թե՞ կշարունակեն «քշել իրենց էշը»՝ երկիրը կործանելով: