Տեխասում երեք բեռնատար գնացք են բախվել

Emedia.am-ը գրում է.

ԱՄՆ Տեխաս նահանգում երեք բեռնատար գնացք են իրար բախվել: Միջադեպը տեղի է ունեցել սեպտեմբերի 25-ի առավոտյան:

Բախման հետևանքով 20-30 վագոններ դուրս են եկել երկաթգծերից: Երկաթուղային ընկերության չորս աշխատակիցներ ստացել են մարմնական վնասվածքներ. բժիշկները տուժածներից մեկի վիճակը գնահատում են ծայրահեղ ծանր: Այս մասին հայտնում է Associated Press-ը:

Գնացքները պատկանել են BNSF Railway ընկերությանը: Գնացքներից մեկը մեկնելիս է եղել դեպի արևելք, երբ բախվել է իր ճանապարհին կագնած մեկ այլ բեռնատար գնացքի: Մի քանի րոպե հետո գնացքներին բախվել է երրորդը, որը շարժվելիս է եղել դեպի արևմուտք:

Հաղորդվում է, որ գնացքները տեղափոխելիս են եղել տարաներ, որոնց մեջ որևէ թունավոր նյութ չի եղել: