Facebook-ը մեկնարկել է օգտատերերի վարքի կանխորոշման գաղտնի նախագիծ

1in.am-ը գրում է.

Facebook սոցիալական ցանցը ստեղծում է տեխնոլոգիա, որը թույլ կտա կանխորոշել սեփական օգտատերերի վարքը՝ հայտնում է Technology Review-ն: Նոր տեխնոլոգիայի մասին հիշատակել է տեխնոլոգիաների հարցերով Facebook-ի ղեկավար Մայք Շրեպֆերը՝ նշելով, որ նախագիծը գաղտնի է, այդ իսկ պատճառով մանրամասներ չեն ներկայացվում:

Նոր մշակումը հիմնված կլինի տվյալների ուսումնասիրման մեքենայի վրա, որում կկիրառվի արհեստական նեյրոնային ցանց: Ներկայում մեքենան կարողանում է լուսանկարներում ճանաչել մարդկանց դեմքերը:

Նոր տեխնոլոգիան կօգնի նոր գործառույթների մշակմանն ու գովազդի թիրախավորմանը: