Ճապոնացի ֆերմերը կես տոննա զանգվածով դդում է աճեցրել

1in.am-ը գրում է.

Ճապոնական Տիբա պրեֆեկտուրայի ֆերմերը 485.1 կգ զանգվածով դդում է աճեցրել՝ «Ճապոնիայի ամենամեծ դդում» համազգային մրցույթում զբաղեցնելով առաջին տեղը: Այս մասին հայտնում է NHK հեռուստաալիքը:

Մրցույթում ներկայացվել է երկրի տարբեր շրջաններից բերված 31 դդում: Ամենամեծ դդումն աճեցրած Կոդզի Ուենոն հաղթող է դառնում երկրորդ տարին անընդմեջ:

Ծնողներն իրենց երեխաներին նստեցրել են հսկա բանջարեղենի վրա ու լուսանկարել:

Այդ մրցույթով հսկա դդմի կարիերան չի ավարտվի: Այն կմասնակցի հոկտեմբերի 19-ին ԱՄՆ Օրեգոն նահանգում տեղի ունենալիք համանման մրցույթին: