Ճգնաժամի տարիներին Բելգիան պետական օղակի աշխատողների թիվը կրճատել է 20 հազարով

1in.am-ը գրում է.

Եվրոպայի առավել բարեկեցիկ երկրներից մեկը՝ Բելգիան, մտադիր է շարունակել կրճատումներն ու պետական օղակի օպտիմալացումը՝ հակաճգնաժամային քաղաքականության շրջանակում բյուջետային ծախսերը նվազագույնի հասցնելու նպատակով: ITAR-TASS-ի փոխանցմամբ՝ այս մասին հայտնել է երկրի կառավարությունը:

Եթե մինչև համաշխարհային ճգնաժամի մեկնարկը դաշնային աշխատողների թիվը կազմել է 90 հազար, ապա այսօր հասել է 70 հազարի: 

Կառավարությունը կարողացել է նման արդյունքների հասնել՝ դիմելով ոչ թե հեռացումների ու ծառայողներին «տեխնիկական արձակուրդ» ուղարկելու մեթոդին, այլ փակելով թոշակի անցնողների հաստիքները: Եվրոպական ճգնաժամի փորձը ցույց է տվել, որ դա սոցիալական տեսանկյունից ամենաանցավ միջոցն է: