Եվրամիությունը կփոխհատուցի Ռուսաստանի պատճառած վնասը

Lragir.am-ը գրում է.

Եվրամիությունը կարող է եւ պետք է փոխհատուցի իր գործընկերներին՝ ԱՊՀ երկրներին, Ռուսաստանի հետ «առեւտրային պատերազմի» կորուստները: Այդ մասին Կեմերսանտ-Ուկրաինա պարբերականին տված բացառիկ հարցազրույցում ասել է Եվրահանձնակատար Շտեֆան Ֆյուլեն:

 «Եթե մեր գործընկերները դառնում են որեւէ մի կողմի անարդարացի ճնշման, իհարկե, ներառյալ նաեւ Ռուսաստանի ճնշման օբյեկտ, եւ եթե դա կապված է Եվրամիության հետ Ասոցացման համաձայնագրի ստորագրման նրանց ձգտման հետ, Եվրամիությունը պետք է գտնի հնարավորություններ փոխհատուցել նրանց կորուստները», ասել է Ֆյուլեն:

 Եվրամիությունն արդեն նախաձեռնել է մոլդովական գինիների ներմուծման քվոտայի ավելացման գործընթաց, որպեսզի փոխհատուցի Մոլդովային ռուսական շուկայի արգելքի համար:

 Ֆյուլեն նշել է, որ Եվրամիությունը պատրաստ է Ռուսաստանի հետ բանակցություններ վարել այդ հարցով, սակայն մինչեւ այժմ խնդիրը քննարկելու փորձերը, այդ թվում Սանկտ-Պետերբուրգում Մեծ Քսանյակի Վեհաժողովի ընթացքում, ավարտվել են ոչ մի բանով:

 «Մենք չենք ստացել որեւէ մանրամասն բացատրություններ տեղի ունեցողի վերաբերյալ, բացի այն, որ Ռուսաստանը «հետապնդում է սեփական շահերը»», ասել է Ֆյուլեն: