Աշխարհի նախկին չեմպիոնը ձերբակալվել է տաքսու վարորդին չվճարելու համար

1in.am-ը գրում է.

Պրոֆեսիոնալ բռնցքամարտի միջին քաշային կարգում աշխարհի նախկին չեմպիոն Կելլի Պավլիկը ձերբակալվել է տաքսու վարորդին չվճարելու համար: Նա պետք է վճարեր 25 դոլար:

BoxingScene-ի փոխանցմամբ՝ հասնելով տուն՝ Պավլիկը դուրս է եկել ավտոմեքենայից, հրաժարվել վճարել գումարը: Այնուհետև նա գնացել է տուն և ոստիկանություն զանգահարել:

Տաքսու վարորդը ոստիկանության աշխատակիցներին հայտնել է, որ ճանաչում է նրան, քանի որ հեռուստացույցով հետևել է նրա մենամարտերին:

Հիշեցնենք, որ այն բանից հետո, երբ 31-ամյա բռնցքամարտիկը ձեռքի վնավսածքի պատճառով չկարողացավ մենամարտել Անդրե Ուորդի հետ, հայտարարեց մարզական կարիերան ավարտելու մասին: