Բանակում վերջին հերթապահությունից հետո Արքայազն Ուիլյամին պահպանող երկու շներին քնեցրել են

Emedia.am-ը գրում է.

Արքայազն Ուիլյամին ՌՕՈՒ-ում ծառայության ժամանակ պահպանող երկու շների բրիտանացի զինվորականները քնեցրել են:

Բլեյդ և Բրյուս անուններով գերմանական և բելգիական հովվաշներին քնեցրել են արքայազն Ուիլյամի վերջին հերթապահությունից անմիջապես հետո, հաղորդում է BBC ռուսական ծառայությունը: 

Սակայն պաշտպանության նախարարությունում պնդում են, որ շների քնեցումը ուղղակի համընկել է արքայազնի ծառայության ավարտի հետ, և որ զորքերում միշտ աշխատում են այդ կարգի շներին նոր տերեր գտնել: Նախարարությունում նաև նշել են, որ հնարավոր չի եղել նոր տերեր գտնել շների համար, քանի որ Բրյուս անունով բելգիական հովվաշունն արդեն շատ ծեր է եղել, իսկ Բլեդ անունով գերմանական հովվաշունը աչքի է ընկել խիստ ագրեսիվությամբ:

«Նախարարության քաղաքականությունն այնպիսին է, որ մենք շների ծառայության ավարտից հետո նրանց համար աշխատում ենք նոր տերեր գտնել, սակայն լինում են այնպիսի դեպքեր, երբ մենք ստիպված ենք լինում շներին քնեցնել»,- ասել է ՊՆ ներկայացուցիչը:

Միևնույն ժամանակ բրիտանական հանրությունը մեծ քննադատության է ենթարկել պաշտպանության նախարարության գործողությունները՝ մեղադրելով նրանց կենդանիների հանդեպ դաժան վերաբերմունքի մեջ: