Գերմանիան հերքում է Սիրիայում քիմիական զենքի ստեղծման մեջ իր մասնակցությունը

1in.am-ը գրում է.

Գերմանիայի կանցլեր Անգելա Մերկելը հայտարարել է, որ 2002-2006թթ. Գերմանիայից Սիրիա ուղարկված քիմիական նյութերն օգտագործվել են խաղաղ նպատակներով՝ հաղորդում է BBC-ն:

Ավելի վաղ հայտնի էր դարձել, որ Գերմանիայից Սիրիա է արտահանվել շուրջ 137 տոննա քիմիական նյութ, որոնք կարող էին օգտագործվել զարին թունավոր գազի պատրաստման համար:

Սակայն Մերկելը հաղորդել է, որ իր տվյալներով՝ քիմիական նյութերն օգտագործվել են խաղաղ նպատակներով:

Կանցլերը նշել է, որ իշխանությունները դեռ պարզում են, թե քիմիական նյութերը, որոնք ուղարկվել են 2006թ. մինչև 2011թ. մայիս, ինչպես են օգտագործվել: