Թուրքիայի արևելքում տեղի է ունեցել ուժգին երկրաշարժ

1in.am-ը գրում է.

Թուրքիայի արևելյան Մուշ նահանգի Թյութեն շրջանում անցած գիշեր տեղի է ունեցել Ռիխտերի սանդղակով 5.1 մագնիտուդ ուժգնությամբ երկրաշարժ: Այս մասին հայտնում է Anadolu գործակալությունը: 

Զոհերի ու ավերածությունների մասին առայժմ տվյալներ չեն ստացվել:

Այս շաբաթվա ընթացքում սա արդեն երկրորդ երկրաշարժն է Մուշ նահանգում: Սեպտեմբերի 16-ին տեղի էր ունեցել 4.5 մագնիտուդ ուժգնությամբ երկրաշարժ: