Մայիսին կամ հունիսին սպասվում է Ռուսաստանի կողմից լայնածավալ հшրձակում, բայց մենք պատրաստ չենք․ մենք հիմա օգնության կարիք ունենք․ Զելենսկի

Ռուսական խոշոր հարձակումը կսկսվի առաջիկա ամիսներին. խոսքը մայիսի վերջի կամ հունիսի մասին է։

Աս մասին CBS News հեռուստաալիքին տված հարցազրույցում հայտարարել է Ուկրաինայի նախագահ Վլադիմիր Զելենսկին:

«Ուկրաինացի պաշտպաններին անհրաժեշտ են հեռահար հրթիռներ, հրետանի և հակաօդային պաշտպանության համակարգեր։ Դրան մենք ոչ միայն պետք է պատրաստվենք, այլև պետք է  կայունացնենք իրավիճակը, քանի որ գործընկերները երբեմն իսկապես ուրախանում են, որ մենք կայունացրել ենք իրավիճակը:

Ես ասում եմ, որ մենք հիմա օգնության կարիք ունենք»,-ասաց Զելենսկին:

Նրա խոսքով՝ թեև պաշտպանական ուժերին հաջողվել է զսպել ռուսներին, այնուամենայնիվ, նրանք պատրաստ չեն պաշտպանվել ռուսական մեկ այլ խոշոր հարձակումից՝ առանց գործընկերների օգնության: