Թուրքիայի ոստիկանությունը ցրել է չարտոնված բողոքի ակցիաները

1in.am-ը գրում է.

Թուրքիայի ոստիկանությունն Անկարայում և Հաթայ նահանգում ցրել է ցուցարարների խմբերը, որոնք բողոքում էին սեպտեմբերի 9-ի ցույցերի ժամանակ ակտիվիստ Ահմեդ Աթաքանի մահվան դեմ: Այս մասին հայտնում է CNN Türk-ը:

Հեռուստաալիքի տվյալներով՝ ոստիկանների հետ ցուցարարների բախումների հետևանքով մի քանի մարդ է տուժել: 

Ավելի վաղ երկրի ներքին գործերի նախարար Մուամեր Գյուլերը հայտարարել էր, որ ոստիկանությունը մասնակից չէ Աթաքանի մահվանը: Ականատեսները պնդում են, որ նա զոհվել է գլխին արցունաքբեր գազի լիցքի հարվածի հետևանքով, մինչդեռ իշխանությունների վարկածով՝ նա մահացել է շենքի տանիքից ընկնելու հետևանքով: