Այսօր Ադրբեջանում մեկնարկում է նախագահի թեկնածուների նախընտրական քարոզարշավը

1in.am-ը գրում է.

Այսօր Ադրբեջանում մեկնարկում է նախագահի թեկնածուների նախընտրական քարոզարշավը՝ փոխանցում է Trend գործակալությունը:

Գրանցված թեկնածուները, նրանց լիազոր ներկայացուցիչները, քաղաքական կուսակցությունները, որոնց թեկնածուները գրանցվել են, կարող են քարոզարշավ անցկացնել մինչև հոկտեմբերի 8-ը:

Հիշեցնենք, որ առաջիկա ընտրությունների համար պաշտոնապես գրանցվել է 10 թեկնածու: Գրանցված թեկնածուների շարքում է «Ենի Ադրբեջան» կուսակցության նախագահ, Ադրբեջանի նախագահ Իլհամ Ալիևը:

Թեկնածության հաստատման համար իրենց փաստաթղթերը ԿԸՀ էր ներկայացրել 22 մարդ:

Երկրում նախագահական ընտրությունները կանցկացվեն հոկտեմբերի 9-ին: