Ադրբեջանում դատարանը 4 ամսով երկարաձգել է Ռուբեն Վարդանյանի կալանքը
12:18 , 25 հունվար, 2024Ադրբեջանում դատարանը 4 ամսով երկարաձգել է օկուպացված Արցախի Հանրապետության նախկին պետնախարար Ռուբեն Վարդանյանի կալանքը։ Այս մասին հայտնում են տեղի լրատվամիջոցները:
Վարդանյանն անցած տարվա սեպտեմբերին Արցախից հեռանալու փորձի ժամանակ ապօրինաբար ձերբակալվել է Ադրբեջանի պետական սահմանային ծառայության կողմից՝ մեղադրվելով «ահաբեկչության ֆինանսավորման», «օրենքով չնախատեսված զինված կազմավորումների կամ խմբերի ստեղծմանն ու գործունեությանը մասնակցելու», «Ադրբեջանի պետական սահմանը ապօրինի հատելու» (չակերտները` Tert.am) համար: