Պառավաքար-Իջևան ավտոճանապարհին հրդեհ է բռնկվել Mitsubishi Grandis-ում
23:21 , 17 հունվար, 2024Shamshyan.com-ը գրում է.
Այսօր՝ հունվարի 17-ին, արտակարգ դեպք է տեղի ունեցել Տավուշի մարզում: Ժամը 10:20-ի սահմաններում ՀՀ Ներքին գործերի նախարարության Փրկարար ծառայութան 9-11 ճգնաժամային կառավարման ազգային կենտրոն ահազանգ է ստացվել, որ Պառավաքար-Իջևան ավտոճանապարհին ավտոմեքենա է այրվում:
Ինչպես հայտնում է shamshyan.com-ը, հրդեհի հետևանքով ավտոմեքենան դարձել է ոչ շահագործելի:
Պարեկային ծառայությունը պարզել է, որ ավտոմեքենայի սեփականատերը Տավուշի մարզի բնակիչ Գևորգ Բուլղադարյանն է: Թե ինչն է եղել հրդեհի առաջացման պատճառ, պարզվում է:
Նախնական տեղեկություններով՝ հրդեհի հետևանքով տուժածներ չկան: