Ինչի՞ հետ համադրել կարմիր կոշիկները

Կարմիր բարձրակրունկներն անկասկած դասական են դարձել: Վառ, գրավիչ, մի փոքր էլ կանչող... Նրանք պետք է լինեն ցանկացած կնոջ զգեստապահարանում, չէ՞ որ օգնում են վստահ զգալ, բացի այդ` ցանկացած կերպար դարձնում են էլ ավելի հետաքրքիր:

Ինչո՞վ կրել կարմիր կոշիկները: Ո՞ր համադրություններն են ավելի շահեկան երևում:

Կարմիր կոշիկներ և կարմիր պայուսակ 

Համարվում է, որ կոշիկը պետք է անպայման համադրել պայուսակի գույնի հետ: Այս պարագայում այս համադրությունը շատ նորաձև է և ոճային:

Կարմիր կոշիկներ և կարմիր դետալներ

Եթե պայուսակի հետ տարբերակը շատ պարզունակ է թվում, փորձեք համադրել կարմիր կոշիկները կարմիր դետալների հետ: Լավ կլինի, եթե դա որևէ արտահագուստ լինի, օրինակ ժակետ կամ վերարկու: Երբեմն հետաքրքիր է նայվում նաև կարմիր կիսաշրջազգեստը կարմիր կոշիկներով:

Կարմիր կոշիկներ և գունավոր հագուստ

Եթե ցանկանում եք շեշտը դնել կոշիկների վրա, ապա ձեր կերպարում չպետք է ընդհանրապես այլ կարմիր բան լինի: Կարմիրի հետ գեղեցիկ են նայվում կապույտն ու երկնագույնը, ուստի կարմիր կոշիկները գեղեցիկ համադրության մեջ կարող են լինել ջինսերի և օրինակ սպիտակ վերնաշապիկի հետ:

Կարմիր կոշիկներ և մոնոխրոմ

Կարմիր կոշիկների ամենաշահեկան համադրություններից մեկը սև-սպիտակի հետ համադրությունն է: Հատկապես գեղեցիկ է, երբ դա խոշոր գծավոր պրինտ է: Իդեալական ամփոփիչ շտրիխը կլինեն ալ կարմիր գույնի շրթներկն ու մատնահարդարումը: