Մուրսիի կալանքի ժամկետը երկարացվել է ևս մեկ ամսով

1in.am-ը գրում է.

Եգիպտոսի նախկին նախագահ Մուհամմադ Մուրսիի կալանքի ժամկետը երկարացրել են ևս մեկ ամսով՝ հայտնում է Al Jazeera-ն: Այս քայլը կրկին բողոքի ալիք է բարձրացրել նրա կողմնակիցների շարքում:

Մուրսին կալանքի տակ է տապալման պահից:

Օրերս նրա դեմ նոր մեղադրանք է առաջադրվել. 2005-ին նա վիրավորել է Հոսնի Մուբարաքի ընտրությունն օրինական ճանաչած դատավորներին: Մուրսին բացահայտ կերպով 22 դատավորներին մեղադրել էր կեղծ ընտրությունն օրինականացնելու մեջ: