ԼՂՀ այցելածների Ադրբեջանի «սև ցուցակը» կփոփոխվի՝ ներողություն խնդրելու դեպքում

Emedia.am-ը գրում է.

Լեռնային Ղարաբաղի Հանարապետություն այցելելու համար Ադրբեջանում պերսոնան նոն գրատա հռչակված անձինք կարող են հանվել «սև ցուցակից»։

Այս մասին, ինչպես տեղեկացնում է «Ինտերֆաքս»–ը, հայտարարել է Ադրբեջանի ԱԳՆ մամուլի խոսնակ Էլման Աբդուլաևը։

Պաշտոնյայի խոսքերով, այդ քաղաքացիների համար Ադրբեջան մուտք գործելու արգելքը կարող է հանվել, եթե նրանք ներողություն խնդրեն։

Ադրբեջանի ԱԳՆ–ի տվյալներով, «սև ցուցակում» հայտնվածներից շատերը դիմել են այնտեղից իրենց անունները հանելու խնդրանքով, մասնավորապես ՌԴ Պետդումայի պատգամավոր Ալեքսեյ Միտրոֆանովը և այլք։