ԱՄՆ-ի 13 շրջաններում ուսուցիչները կարող են զինված գնալ դպրոց

Aysor.am-ը գրում է.

ԱՄՆ Արկանզաս նահանգի հատուկ հանձնաժողովը պաշտոնապես թույլատրել է 13 շրջանների ուսուցիչներին դպրոց գնալ զենքով: Այս մասին հայտնում է Vesti.ru-ն:

Իշխանությունների խոսքով` դա անհրաժեշտ է հետագա ողբերգությունները կանխելու համար, ինչպես պատահեց 2012 թ. Sandy Hook դպրոցում, երբ Ադամ Լանզան սպանեց 26 մարդու և ինքնասպան եղել:

Երկու տարվա ընթացքւմ դպրոցների ողջ անձնակազմը կարող է զինված լինել: Իշխանությունների այս որոշմանը դեմ է արտահայտվել նահանգի գլխավոր դատախազ Դասթին Մակդանիելը, ով զինված լինելը ոչ օրինական է համարել: 

Մի շարք շրջաններում գործում են զենք կրակելու անվճար դասընթացներ: Շատերի կարծիքով, եթե այդ օրը ուսուցիչները զինված լինեին, կհաջողցեր խուսափել Sandy Hook դպրոցում կատարվածից: 

Այս գաղափարին դեմ արտահայտվողների կարծիքով, զինված լինելու պատճառով ուսուցիչները կշեղվեն հիմնական պարտականություններից:

Հիշեցնենք, որ ԱՄՆ Կոնեկտիկուտ նահանգի դպրոցներից մեկում 24-ամյա Ռայան Լազան կրակահերթ է բացել, որի արդյունքում 27 մարդ է սպանվել: