ԱՄՆ Սենատում եւս Լեռնային Ղարաբաղում ճգնաժամի վերաբերյալ լսումներ կանցկացվեն
15:13 , 8 սեպտեմբեր, 2023ԱՄՆ Սենատի Արտաքին հարաբերությունների հանձնաժողովում սեպտեմբերի 14-ին լսումներ են անցկացվելու Լեռնային Ղարաբաղում տիրող ճգնաժամի վերաբերյալ։
Ըստ հանձնաժողովի տարածած հաղորդագրության, լսումներին մասնակցելու են ԱՄՆ պաշտոնյաներ, մասնավորապես, ԱՄՆ պետքարտուղարի Եվրոպայի ու Եվրասիայի հարցերով տեղակալի պաշտոնակատար Յուրի Կիմը, ինչպես նաև Կովկասի բանակցությունների գծով ավագ խորհրդական Լուիս Բոնոն։
Ավելի վաղ հայտնել էինք, որ Լեռնային Ղարաբաղում տիրող ճգնաժամի վերաբերյալ լսումներ էին անցկացվել սեպտեմբերի 6-ին ԱՄՆ Կոնգրեսի Թոմ Լանթոսի անվան Մարդու իրավունքների հանձնաժողովում: