Ոչ մի ֆուտբոլիստի տրանսֆեր չարժե 100 մլն եվրո. Զիդան
19:51 , 10 սեպտեմբեր, 2013
1in.am-ը գրում է.
Մադրիդի «Ռեալ»-ի մարզչական շտաբի անդամ Զինեդին Զիդանը կարծում է, որ թիմերը չափազանց շատ գումարներ են ծախսում տրանսֆերային պատուհանների ժամանակ:
«Այս մասին խոսել եմ դեռ 10 տարի առաջ, երբ իմացա, որ «Ռեալ»-ը 75 մլն եվրո է վճարել տրանսֆերիս դիմաց:
Ես չեմ մտափոխվել և կարծում եմ, որ ոչ մի ֆուտբոլիստի տրանսֆեր չարժե 100 մլն եվրո: Բայց ինչ արած, եթե ակումբները նման գումարներ են վճարում:
Թող լինի այդպես: Չէ՞ որ ակումբները համաձայնության են գալիս: Բայց ես, այնուամենայնիվ, չեմ փոխում կարծիքս»,- հայտարարել է Զիդանը: