Նոր մանրամասներ՝ Աբխազիայում ռուս դիվանագետի սպանության մասին

Tert.am-ը գրում է.

Սուխումում սպանված 36-ամյա ռուս դիվանագետ Դմիտրի Վիշերնևի սպանության գործը քննող իրավապահները, քաղաքական տարբերակից բացի, առաջ են քաշել ևս երկու տարբերակ, տեղեկացնում է Взгляд-ը։

Աբխազիայում ՌԴ դեսպանատան առաջին քարտուղարի վրա հարձակումը տեղի էր ունեցել երեկ առավոտյան, երբ նա և իր կինը՝ Օլգան, մեքենայով դուրս գալիս են եղել ավտոտնակից։ Վիշերնևը սպանվել էր գլխին արձակված երկու կրակոցից, իսկ կնոջ վիճակը ծանր է։ Գնդակներից մեկը վնասել է նրա ողնաշարը։

Հանցագործը դեպքի վայրից փախուստի է դիմել՝ զենքը հետը տանելով։

Հանցագործը միայնակ է եղել։ Իր զոհերին նա սպասել է ավտոտնակի մոտ և կրակել է գազային կամ տրավմատիկ զենքից։ Հնչել է 4 կրակոց։

Համաձայն միակ վկայի (կինը ծանր վիճակում է և վկայություն տալ չի կարող)՝ քիլերը սլավոնական արտաքինով տղամարդ է եղել՝ մուգ հագուստով և գլխարկով։

Ամբողջական հոդվածը կարող եք կարդալ այստեղ