Բրիտանացիներին կոչ են արել խուսափել ՌԴ այցելությունից
14:48 , 24 հունիս, 2023Մեծ Բրիտանիայի արտաքին գործերի նախարարությունն իր քաղաքացիներին խորհուրդ է տվել չայցելել Ռուսաստան, փոխանցում է Reuters-ը։
Գերատեսչությունում հայտնել են, որ Ռուսաստանի Դաշնությունում առկա է անկարգությունների վտանգ՝ «Վագներ» ռազմական մասնավոր կազմակերպության բարձրացրած ապստամբության ֆոնին։
«Տեղեկություններ կան Ռոստովի մարզում ռազմական լարվածության և ամբողջ երկրում հետագա անկարգությունների վտանգի մասին: Բացի այդ, Միացյալ Թագավորություն վերադառնալու համար թռիչքների տարբերակներ չկան», - հայտնել են Մեծ Բրիտանիայի ԱԳՆ-ից։